মহা লক্ষ্ম্যষ্টকম্

ইংদ্র উবাচ -

নমস্তেঽস্তু মহামায়ে শ্রীপীঠে সুরপূজিতে ।

শংখচক্র গদাহস্তে মহালক্ষ্মি নমোঽস্তু তে ॥ 1 ॥

নমস্তে গরুডারূঢে কোলাসুর ভয়ংকরি ।

সর্বপাপহরে দেবি মহালক্ষ্মি নমোঽস্তু তে ॥ 2 ॥

সর্বজ্ঞে সর্ববরদে সর্ব দুষ্ট ভয়ংকরি ।

সর্বদুঃখ হরে দেবি মহালক্ষ্মি নমোঽস্তু তে ॥ 3 ॥

সিদ্ধি বুদ্ধি প্রদে দেবি ভুক্তি মুক্তি প্রদায়িনি ।

মংত্র মূর্তে সদা দেবি মহালক্ষ্মি নমোঽস্তু তে ॥ 4 ॥

আদ্য়ংত রহিতে দেবি আদিশক্তি মহেশ্বরি ।

যোগজ্ঞে যোগ সংভূতে মহালক্ষ্মি নমোঽস্তু তে ॥ 5 ॥

স্থূল সূক্ষ্ম মহারৌদ্রে মহাশক্তি মহোদরে ।

মহা পাপ হরে দেবি মহালক্ষ্মি নমোঽস্তু তে ॥ 6 ॥

পদ্মাসন স্থিতে দেবি পরব্রহ্ম স্বরূপিণি ।

পরমেশি জগন্মাতঃ মহালক্ষ্মি নমোঽস্তু তে ॥ 7 ॥

শ্বেতাংবরধরে দেবি নানালংকার ভূষিতে ।

জগস্থিতে জগন্মাতঃ মহালক্ষ্মি নমোঽস্তু তে ॥ 8 ॥

ফলশ্রুতি

মহালক্ষ্মষ্টকং স্তোত্রং যঃ পঠেদ্ ভক্তিমান্ নরঃ ।

সর্ব সিদ্ধি মবাপ্নোতি রাজ্য়ং প্রাপ্নোতি সর্বদা ॥

এককালে পঠেন্নিত্য়ং মহাপাপ বিনাশনম্ ।

দ্বিকালং যঃ পঠেন্নিত্য়ং ধন ধান্য় সমন্বিতঃ ॥

ত্রিকালং যঃ পঠেন্নিত্য়ং মহাশত্রু বিনাশনম্ ।

মহালক্ষ্মী র্ভবেন্-নিত্য়ং প্রসন্না বরদা শুভা ॥

[ইংত্যকৃত শ্রী মহালক্ষ্ম্যষ্টক স্তোত্রং সংপূর্ণম্]