মধুরাষ্টকম্

অধরং মধুরং বদনং মধুরং

নযনং মধুরং হসিতং মধুরম্ ।

হৃদয়ং মধুরং গমনং মধুরং

মধুরাধিপতেরখিলং মধুরম্ ॥ 1 ॥

বচনং মধুরং চরিতং মধুরং

বসনং মধুরং বলিতং মধুরম্ ।

চলিতং মধুরং ভ্রমিতং মধুরং

মধুরাধিপতেরখিলং মধুরম্ ॥ 2 ॥

বেণু-র্মধুরো রেণু-র্মধুরঃ

পাণি-র্মধুরঃ পাদৌ মধুরৌ ।

নৃত্য়ং মধুরং সখ্য়ং মধুরং

মধুরাধিপতেরখিলং মধুরম্ ॥ 3 ॥

গীতং মধুরং পীতং মধুরং

ভুক্তং মধুরং সুপ্তং মধুরম্ ।

রূপং মধুরং তিলকং মধুরং

মধুরাধিপতেরখিলং মধুরম্ ॥ 4 ॥

করণং মধুরং তরণং মধুরং

হরণং মধুরং স্মরণং মধুরম্ ।

বমিতং মধুরং শমিতং মধুরং

মধুরাধিপতেরখিলং মধুরম্ ॥ 5 ॥

গুংজা মধুরা মালা মধুরা

যমুনা মধুরা বীচী মধুরা ।

সলিলং মধুরং কমলং মধুরং

মধুরাধিপতেরখিলং মধুরম্ ॥ 6 ॥

গোপী মধুরা লীলা মধুরা

যুক্তং মধুরং মুক্তং মধুরম্ ।

দৃষ্টং মধুরং শিষ্টং মধুরং

মধুরাধিপতেরখিলং মধুরম্ ॥ 7 ॥

গোপা মধুরা গাবো মধুরা

যষ্টি র্মধুরা সৃষ্টি র্মধুরা ।

দলিতং মধুরং ফলিতং মধুরং

মধুরাধিপতেরখিলং মধুরম্ ॥ 8 ॥

॥ ইতি শ্রীমদ্বল্লভাচার্যবিরচিতং মধুরাষ্টকং সংপূর্ণম্ ॥